1 And the Lord made redi a greet fisch, that he shulde swolowe Jonas; and Jonas was in the wombe of the fisch thre daies and thre niytis.
2 And Jonas preiede to the Lord his God fro the fischis wombe,
3 and seide, Y criede to God of my tribulacioun, and he herde me; fro the wombe of helle Y criede, and thou herdist my vois.
4 Thou castidist me doun in to depnesse, in the herte of the see, and the flood cumpasside me; alle thi swolowis and thi wawis passiden on me.
5 And Y seide, Y am cast awei fro siyt of thin iyen; netheles eftsoone Y schal see thin hooli temple.
6 Watris cumpassiden me `til to my soule, depnesse enuyrownede me, the see hilide myn heed.
7 Y wente doun to the vtmeste places of hillis, the barris of erthe closiden me togidere, in to withouten ende; and thou, my Lord God, schalt reise vp my lijf fro corrupcioun.
8 Whanne my soule was angwisched in me, Y bithouyte on the Lord, that my preier come to thee, to thin hooli temple.
9 Thei that kepen vanytees, forsaken his merci idili.
10 But Y in vois of heriyng schal offre to thee; what euer thingis Y vowide, Y schal yelde to the Lord, for myn helthe.
11 And the Lord seide to the fisch, and it castide out Jonas `in to the drie lond.
Frequently Asked Questions
What does Jonah pray about inside the fish?
What does 'out of the belly of hell cried I' mean in verse 2?
How does chapter 2 end?
Today's Verse
And straightway he called them: and they left their father Zebedee in the boat with the hired servants, and went after him.
Verse Of The DayEven at the bottom of the sea Jonah recalls, "I will look again toward thy holy temple," and his prayer turns to thanksgiving with "Salvation is of the LORD" just before the fish vomits him onto dry land, setting up Jonah 3. Compare his drowning imagery to Psalms 18:4-6.
